مـــــــــــعـــــــــــــــاك الله

من طرف mco-48 الأربعاء يوليو 18, 2012 8:42 am

مدخل //

في مستهل الحفل أقدم شهـــــــــاده
بالشكر لاغلى صاحب وأخ ورفيق

اللي وفا لي في الشدايد زياده
واللي وقف جنبي في ساعة الضيق

لمعــــــــــــــــالي السيد سمو السعاده
((جرحي)) ترى بالله يا ناس تصفيق

******************

((مــــــعــــــاك الـــله // ))

,معاك الله.. ومقدر ظروفك وانت عندي غير
وربي يحفظك في (كل ارض) و (داخل اعماقي)

حقيقه انت اغلى انسان حبيته وفيه الخير
واغلى اسم شلته في صميم القلب وأوراقي

تراك اكبر من النسيان ما تحتاج للتذكير
وكيف اتذكرك بالله وانته عمري الباقي

تغيب ويتبعك قلبي وتبقى شاغل التفكير
وتسكن في سواد العين والأحلام واشواقي

تفارقنا وفرقانا حكايه مالها تفسير
ترى حتى الزمن له يد في فرقاك وفراقي

تأخرت اعلن احساسي وانا آسف على التأخير
(أحبك) خذ بقاياها .. وخلّي دمعة أحداقي

و عندي لك كلام اكثر ولكن خانني التعبير
دموعي بس تقدر توصف الضميان للساقي

و لك خالص تحياتي وكل الشكر والتقدير
معاك الله وانته يا حبيبي في الحشا باقي

*********************

مخرج //

يا ما تمنيت ردك لي ولو تدليس
والا اشاره بطرف العين او باليـــد

والا رساله على الإيميل أو في الفيس
حتى ولو جرح واشيله معي للــــغد

حتى ولو قلتي اني صرت مثل إبليس
اهم شي اشعر اني في حياتك حد

اما كذا كيف احسبها معك واقيس
معقول ماعاد لي قيمه لهذا الحد !!

*******************