(نواف يّ مشكاي ويش التدابير) جديدي

من طرف mco-48 الأربعاء يوليو 18, 2012 8:38 am

السلام عليكم ورحمة الله وبركاته

مساء الخير

بويتات لقصه حدثت مع واحد عزيز علي تقمصت دوره في قصيده موجهه لنواف

(نواف يّ مشكاي ويش التدابير)

وأنت الحكيم اللي للألغاز حلال

صاحبك صابه من عنى الوقت تكدير

الهم يلعبي من الجال للجال

أركى على صدري دلال(ن) مباهير

وقف وقهواني من الضيق فنجال

هذي 3 شهور ماغير ماغير

ساكت وأجر بخافقي ألف موال

لا صار لي صاحب يقود الطوابير

أصيل ومعرب من العم والخال

لاصار له عندي معزه وتقدير

عارف غلاته ماتبي شك وجدال

وش يزعله لاصار ماجاه تقصير

غير العلم اللي لها يطرب البال

وماكنت أحسب إن الذي صار بيصير

إلين قابلته على باب بقال

سلام!! كيف الحال..؟؟ مافيه تعبير

قفى وأخذ في يده لعبه للأطفال

ما أقدر أجيه أخاف من كلمة صغير

ولا أقدر أكابر بعد الإخوان قتال

ضايق وقلة في يدي التدابير

يّ شين حزن الروح في وجه رجال

وسلامتكم