تعالى نبقى من المؤمنين حقا
2 مشترك
صفحة 1 من اصل 1
تعالى نبقى من المؤمنين حقا
تعالى نبقى من المؤمنين حقا
ما نفسكيش تبقى من المؤمنين حقا ؟؟؟!!
مؤمنين حقا إزاى ؟؟؟
نفهم بالراحة
تعالى نبقى من المؤمنين حقا
ناس كتير فاهمة إن الإيمان هو مجرد التصديق بوجود الله و خلاص على كدة
و ده ممكن يكون معنى الإيمان لغة لكن الحقيقة أنه لو ده بس معنى الإيمان يبقى على كدة إبليس مؤمن و هو طبعا ليس كذلك فالله يقول أنه " أبى و استكبر و كان من الكافرين "
رغم إنه مصدق بوجود الله ؟؟
أيوة رغم إنه مصدق بوجود الله
هل سمع أحدكم أن إبليس ينكر وجود الله ؟؟
الجواب معروف
طبعا لا
هو يعلم وجود الله بل و يقسم به و بعزته أحيانا
لكن مع ذلك هو رأس الكفر و منعه
ليه ؟؟
لأن تصديقه لم يتبعه قبول و انقياد
علم أن الله ربه و خالقه لكنه رفض أن يطيعه و يعبده
جحد و استكبر عياذا بالله
تعالى نبقى من المؤمنين حقا
زى قوم فرعون اللى ربنا قال عليهم " و جحدوا بها و استيقنتها أنفسهم ظلما و علوا "
يبقى الموضوع مش مجرد كلمة و خلاص و لا خانة فى البطاقة
المؤمن حقا له خصائص و مقومات ربك ذكرها فى آيات كتير فى كتابه العزيز
من ضمنها آيات من أروع آيات سورة الأنفال
" إِنَّمَا الْمُؤْمِنُونَ الَّذِينَ إِذَا ذُكِرَ اللَّهُ وَجِلَتْ قُلُوبُهُمْ وَإِذَا تُلِيَتْ عَلَيْهِمْ آيَاتُهُ زَادَتْهُمْ إِيمَانًا وَعَلَى رَبِّهِمْ يَتَوَكَّلُون * الَّذِينَ يُقِيمُونَ الصَّلاةَ وَمِمَّا رَزَقْنَاهُمْ يُنفِقُونَ*. أُوْلَئِكَ هُمُ الْمُؤْمِنُونَ حَقًّا لَّهُمْ دَرَجَاتٌ عِندَ رَبِّهِمْ وَمَغْفِرَةٌ وَرِزْقٌ كَرِيمٌ"
و فى نفس السورة " وَالَّذِينَ آمَنُواْ وَهَاجَرُواْ وَجَاهَدُواْ فِي سَبِيلِ اللَّهِ وَالَّذِينَ آوَواْ وَّنَصَرُواْ أُوْلَئِكَ هُمُ الْمُؤْمِنُونَ حَقًّا لَّهُم مَّغْفِرَةٌ وَرِزْقٌ كَرِيم "
ركزى كدة فى الآيات دى
واخدة بالك من أولها ؟؟
بدأت ب" إنما المؤمنون "
هما دول اللى صفاتهم كدة
واخدة بالك انتهت بإيه ؟؟
"أولئك هم المؤمنون حقا"
و بينهما صفات
هى دى صفات المؤمنين حقا
ذكر لله و خشية و وجل و تلاوة قرآن تزيد منسوب الإيمان فى القلب و توكل و صلاة و إنفاق
ياااااه
ما أجملها من حياة
مش ملاحظة حاجة فى الأعمال و الصفات دى ؟؟
مش ملاحظة إن أغلبها ممكن تتدربى عليه فى رمضان ؟؟
مش ملاحظة إن نسبة الصفات دى بترتفع جدا و بتبقى أسهل فى رمضان ؟؟
كل حاجة حواليكى بتذكرك بالله فى رمضان
حتى اللى بيشتموا برة رمضان تلاقيهم بدل ما يشتموا يذكروا الله قائلين "اللهم إنى صائم"
تعالى نبقى من المؤمنين حقا
و التلاوة
تلاقى من هجروا القرآن شهورا عادوا إليه فى رمضان و اللى بيختم مرة و اللى بيختم اتنين و اللى ربنا بيفتح عليه و يتلو القرآن آناء الليل و النهار
حاجة جميلة
تعالى نبقى من المؤمنين حقا
و الصلاة
تلاقى ما شاء الله المساجد مليانة على آخرها حتى فى صلاة الفجر و كمان فى النوافل زى التراويح تلاقى مساجد ما شاء الله مش مكفية المصلين و فارشين برة
تعالى نبقى من المؤمنين حقا
و الإنفاق
ما شاء الله تلاقى شنط رمضان و كرتونة رمضان و ناس تطلع زكاة مالها فى رمضان و ناس بتفطر الصائمين فى الشوارع
شىء يفرح
تعالى نبقى من المؤمنين حقا
و جهاد
نعم جهاد من أول جهاد النفس و حتى ذرة السنام و هو جهاد العدو
ما لا يعلمه الكثير من الناس أن من أعظم فتوحات و انتصارات المسلمين فى ميادين الجهاد ما كان فى رمضان ده طبعا غير مجاهدة النفس فى الصيام و القيام و ترك الشهوات
تعالى نبقى من المؤمنين حقا
و هجرة
نعم هجرة رغم أنه لا هجرة بعد الفتح لكن هناك هجرة المعاصى و الذنوب و هذا يفعله كثير من الناس فى رمضان بفضل الله
يعنى ما شاء الله أكثر الصفات موجودة و ممكنة التحقيق بشكل اسهل فى رمضان
بس اللى يزعل إن كتير من الناس بيوصل للحالة الرائعة دى التى تقارب الوصف الربانى للمؤمنين حقا و بعدين تلاقيه ييجى عليه العيد ينسى كتير من الأحوال الإيمانية و الطاعات التى كان مداوما عليها منذ أيام
تعالوا نخلى رمضان السنة دى معسكر تدريب على الإيمان الحق و فرصة لنتمرن على أن نكون من ....... المؤمنين حقا
تعالى نبقى من المؤمنين حقا
tota- عُضْوُ جَدِيْدْ
-
عدد المساهمات : 22
نِقَاطْﮯ : 4374
الْتَقْييمْ : 5
تاريخ التسجيل : 29/07/2012
Śмś :
حًٱلتُك الْيَوْمْ ☹ :
دُوِلتُك :
մʀ ммṩ :
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى